<相&圖> 係時候要還…

唔知大家重記唔記得
去年十二月嗰時
豆潤家發生嘅 瀨嘢… 事件呢？

話說自從單嘢之後
豆潤家繼續用住嗰部受傷嘅四奶
過咗個半月
終於等到甩之佬嘅新年套餐推出
(唉…真係等到我頸到長埋！(+_+ ))

個套餐一推出
小四就咋咋淋上網及及
睇下有無啱心水嘅
(個套餐可以揀電視機加多兩樣嘢
如果型號啱的話
真係抵過單買一部電視架！)


整爛咗大老爺個四奶
睇黎都係時候要還咯…
(一日都係自己衰
整爛部電視
唯有扑爛自己個豬仔錢罌
賠番部新嘅比大老爺咯囉…(TAT))



經過一輪揀選
最後大老爺情歸三星
於是小四搵咗日
挾埋大老爺落門巿度望下實物
順便問下詳情咁…
(之前小四打咗去三星度問
而家嗰個掛牆架唔啱洗
一定要換個新嘅
於是咪挾埋大老爺落去問清楚囉)


好彩問清楚咋
原來安裝部唔會幫我哋拆咗個舊架
(佢哋話係公司規定
就算我哋比錢佢都唔幫手拆咁話喎 (@_@;))
一定要我哋自己拆咗架
先通知佢哋再安排上門安裝
(吓？咁麻煩架！ (=_=# ))
大老爺即刻縮沙
結果買唔成 Orz


查實
以大老爺扭扭擰擰怕麻煩嘅性格
睇黎小四個心肝命掟
應該重有大把時間
可以陪住小四咯…嘿嘿嘿嘿