<圖> 又閉關…

六月頭大爺仔要考試
所以今個禮拜開始
小四又要陪隻豬仔一齊閉關準備準備…
(每日同大爺仔溫啲啲溫啲啲
希望考試前能夠溫得晒就好咯…ฅ(๑*д*๑)ฅ)

<圖> 慢慢慢～

今日小四休息一天唔煮飯 ♪٩(ˊᗜˋ*)و
所以送完大爺仔返學之後唔洗趕去買餸
可以慢慢行慢慢行
慢慢行去嘆個靚早餐～(′∪`艸)⌒♥
再慢慢行慢慢行
慢慢行返屋企～正！♪─Ｏ（≧∇≦）Ｏ─♪

近黎唔知典解 (^^; )a

硬係回覆唔到部份貧友仔嘅留言

有茅其他貧友仔可以教下我呀？拜托！

<圖> 五月八號～

啱啱過左嘅五月八號
除咗係母親節之外
重係小四嘅生日…(◕///◕)

小四咁多年嘅生日願望一直都茅變過
今年都係呢個願望
就係身體健康！٩(๑^o^๑)۶
因為小四要照顧禾家大老爺同大爺仔呢兩位至愛♥♥
無健康？點掂喎！

<圖> 喵～

近排大爺仔一做完功課
就話要睇呢套卡通片…

但估唔到隻豬仔睇一睇就中晒毒
學埋地縛喵嘅口頭蟬
日日响豆潤家度係咁講係咁講係咁講係咁講…(ㆆنㆆ)
「媽媽，幾時開飯丫？喵～」
「媽媽，張通告比你架！喵～」
唉…大爺仔
你喵咗成個月喇！
喵夠未呀你？( ๑≖ˇдˇ≖๑)

<圖> 五月月曆到～

夏天終於都到喇 ~ヾ(ˊᗜˋ*)ﾉ
送上滿滿夏日氣息嘅五月月曆！
耶！٩(ˊᗜˋ*)و

<圖> 熊本加油！

希望你能夠快啲好番！加油呀！

<圖> 蛋…

話說上次測驗大爺仔考得唔好
比班主任捉咗去照肺
所以啲唔開心…('╥ω╥`)

於是小四特登買咗一盒三隻嘅朱古力蛋黎氹佢開心

(又有得食又有得玩實開心喇掛…(๑•́ ₃ •̀๑))

估唔到咁巧彩

比大爺仔中到佢夢寐以求嘅變形金剛

諗住隻豬仔會開心番啦

點知竟然剛剛相反

唔開心重有啲眼濕濕…

點解中咗變形金剛都唔開心？

皆因呢隻有啲啲特別…

有啲咩特別？

你哋睇下就知道架喇…( ๑≖ˇдˇ≖๑)

真係…唉…(๑´ㅁ`)＝3