朋友仔？同學仔？

今日接大爺仔放學返屋企途中
撞到同班同學仔
同埋佢媽媽…


同學仔：媽媽！ (指住大爺仔) 呢個係我朋友仔丫！
同學仔媽媽：朋友仔？呢 D 唔係叫做朋友仔，叫同學仔！
同學仔：佢係我朋友仔黎架！
同學仔媽媽：同一班讀書嘅叫同學仔唔係叫朋友仔！
同學仔：但係佢係我朋友仔黎架喎…
同學仔媽媽：呢 D 叫同學仔唔係叫朋友仔！
同學仔：…


呢個摩聞
小四感覺到
有兩顆小小嘅心靈
已經受傷…